He ȝef gascoine · & aquitaine · so þat hii dude homage ·
King lowis of france · þeruore wiþoute outrage ·
Geffray is sone he made erl · of brutaine al so · [Hearne page 470]
Þe wule is children ȝonge were · al þis was ido ·
Line 9635
Noman ne miȝte þenche · þe loue þat þer was ·
Bituene þe king henri · & þe gode man sein tomas ·
Þe deuel adde enuie þer to · & sed bituene hom seu · [sed] his sed C.]
Alas alas þulke stounde · vor al to wel it greu · [vor] om. C.]
Vor þer adde er ibe · kinges of luþer dede · [er ibe] ibe er C.]
Line 9640
As willam bastard & is sone · willam þe rede ·
Þat luþer lawes made ynou · & helde in to al þe lond · [helde] hulde C.]
Þe king nolde nouȝt bileue · þe lawes þat he fond ·
Thomas · [folio 137b]
Ne þat is elderne hulde · ne þe godeman sein tomas · [ne þe] ac þe C.]
Þouȝte þat þing aȝe riȝte · neuere lawe nas ·
Line 9645
Ne soþnesse ac costume · mid strengþe vp iholde ·
& he wuste þat vr louerd · in þe gospel tolde · [wuste] wyste C. gospel] godspel C.]
Þat he him sulf was soþnesse · & costume nout · [sulf] sulue C.]
Þeruore luþer costumes · he nolde graunti nouȝt ·
Ne þe king nolde bileue · þat is elderne adde iholde ·
So þat contek sprong · bituene hom mani volde · [contek] contak C.]
Line 9651
Þe king drou to riȝte lawe · mani luþer costome ·
Sein tomas hom wiþsede · & grantede some ·
Þe lawes þat icholle nou telle · he grauntede vawe ·
Ȝuf a þuman haþ a sone · to clergie idrawe · [Ȝuf a þuman haþ] Ȝef a þeu man haueþ C.]
Line 9655
