The repressor of over much blaming of the clergy.

Also in an other place of the same processioun it was and is ȝit kept and vsid in manye chirchis, that the principal crucifix of the chirche schal be disco|uered and schewid baar and nakid to al the peple of the [peple of the is added in the margin by a later (?) hand.] processioun. And in the while the crucifix is in discoueryng the principal preest with the queer schal falle doun to grounde at the leest vpon alle the knees and schal singe thus: Heil oure King, the sone of Dauid! Aȝenbier of the world! Whom prophetis bifore spaken Sauiour to come to the hous of Israel! Sotheli thee into an hoolsum sacrifice the Fadir sende into the world, whom alle holi men fro the bigynnyng of the world aboden! And now, Osanna to the sone of Dauid! Blessid be he which cometh in the name of the Lord! Osanna in hiȝe thingis! ["In egressu processionis præ|latus, ter flexis genibus ante crucem discoopertam, adoret, dicens can|tando, Ave Rex. Et chorus idem re|petat: Ave, Rex noster, fili David, Redemptor mundi, quem prophetæ prædicaverunt Salvatorem domui Israel esse venturum, te enim ad salutarem victimam Pater misit in mundum; quem expectabant omnes sancti ab origine mundi: et nune Osanna filio David: benedictus qui venit in nomine Domini: Osanna in excelsis."—Missal. ad usum Eccl. Ebor. (Dominic. in ram. Palm.) Paris, 1533.] Also whilis the hool queer of preestis and