He yeorreþ and heo gredeþ.
Þe feondes heom forþ ledeþ.
Boþe lychom and saule.
And beteþ heom and schredeþ.
Line 328
And luþre heom biledeþ.
Mid pykes and myd eaule.
Þe saule seyþ to þe lychome.
Acursed wurþe þi nome.
Line 332
Þin heaued and þin heorte.
Þu vs hauest iwroht þes schome.
And alle þene eche grome.
Vs schal euer smerte.
Line 336
Þe gode. þe Milde. and þe clene.
Þah heo i-seon alle y-mene.
Al þat kun þat we of come.
Nulleþ heo neuer ene.
Line 340
By-reusy ne bi-mene.
Ne þar-to nyme góme.
Ah wolde we vs wel dihte.
And leden vre lyf myd rihte. [folio 251b]
Line 344
Þe hwiles we beoþ here.
Ich hit eu segge and plyhte.
A domes day we Myhte.
Beon engles ivére.
Line 348
Bidde we vre dryhte.
Þat day scop and nyhte.
Þat do vre saule bote.
Þat we in heuene lyhte.
Line 352
Among þan englen bryhte.
Wunyen and beo mote. Amen.
