Þer cumeþ god myd his rode.
His honde and his syde al a blode.
And scheweþ hu he vs bouhte.
Offerd þenne beoþ þe gode.
Line 268
And wo is þenne þe ouermode.
Þat er þar-of ne rouhte.
Loke seyde god nuþe.
Hwat ich for ou ouþe.
Line 272
And hwat ich gon þolye.
Lutel þonk ye me cuþe.
Mid heorte ne myd Muþe.
Nolde ye me þonkie.
Line 276
He seyde þenne to his gode.
And spek myd Milde mode.
Mine gode. ye me fedde.
. . . . .
Line 280
. . . . .
. . . . .
And schrudden and wel bihedden.
And leyden in softe bedde.
Line 284
Þo ic a-mong eu eode.
For-þi ich eu wulle a-redde.
From sathanas þe vn-ledde.
For her ye habbeþ neode.
Line 288
Þe gode seyþ þenne.
Louerd hwer and hwenne.
Dude we þe goddéde.
Þo ye yeue þene pouere monne.
Line 292
Þo he help nedde nenne.
Bute as he for me hed.
