An Old English miscellany containing a bestiary, Kentish sermons, Proverbs of Alfred, religious poems of the thirteenth century,

                                
                                  And nomen anon ihesu crist. and hyne vaste bunde.
                                
                                  Seynte peter hedde o swerd. and he hit vt drouh.
                                  Line 197 
                                
                                  And smot of Malkes ere. and nouht hyne ne slouh.
                                
                                  Þo iseyh ihesu crist. þat peter so dude.
                                
                                  Put in he seyde þi sweord. anon in þe stude.
                                  Line 200 
                                
                                  Ne mot ich nouht drynke peter vor þe.
                                
                                  Þene calch þat my vader. haueþ y-yeue me.
                                
                                  Seoþþe him spek ihesu crist. iheried beo his Mihte.
                                
                                  And seyde to þe Gywes. nolde he nowiht vyhte.
                                  Line 204 
                                
                                  Mid sweordes and myd bottes. ye beoþ her icume.
                                
                                  So me doþ to þeoue. þat schal beon ynume.
                                
                                  Vyche day in þe temple. wes myne ywune.
                                
                                  To techen eu godes lore. þer ye were summe.
                                  Line 208 
                                
                                  Nes þo non so hardy. þat on me leyde honde.
                                
                                  Bute nv by nyhte. þet is for muchel onde.
                                
                                  Peter iseyh þe Gywes. vre louerd vaste bynde.
                                  Line 211 
                                
                                  Anon he drouh hyne abak. and eode heom by-hynde.
                                
                                  Leste he were iknowe. he wes swiþe of-dred.
                                
                                  Noþeles he wolde iwite. hwuder he were iled.
                                
                                  Þe Gywes nomen ihesu crist. and forþ hine ledde.
                                
                                  Of alle his apostles. nenne help he nedde.
                                  Line 216 
                                
                                  Alle heo hyne byleuede. so sore hi weren of-dredde.
                                
                                  As vre louerd þer-by-vore. heom iseyd hedde.
                                
                                  Heo brouhte hyne to kayphas. al wyþ-vte ivere.
                                
                                  Heo wes heore biscop. in þen ylke yere.
                                  Line 220 
                                
                                  Of alle his disciples. ne vulede hym neuer on. [folio 220b] 
                                
                                  Bute seynte peter. and on yong mon.
                                
                                  Ion hedde enne mantel. of cendal hym abute.
                                  Line 223 
                                
                                  He wende in myd ihesu crist. and peter stod þer-vte.
                                
                                  For he wes iknowe. he wes more bold.
                                
                                  He stod bi þe fure. and wermd hym for þe cold.
                                
                                  He bed þene dureward. lete in his i-vere.
                                
                                  Hi wolden heore louerdes dom. iseon and ihere.
                                  Line 228 
                                
                                  Þe dureward hine in lette. al wyþ-vte mede.
                                
                                  Peter stod myd þon oþre. and wermede hym at þe glede.
                                
                                  Summe of þet þer weren. ykeneu seynt ion.

About this Item

Title: An Old English miscellany containing a bestiary, Kentish sermons, Proverbs of Alfred, religious poems of the thirteenth century,
Author: Morris, Richard, ed. 1833-1894.
Canvas: Page 43
Publication: London,: Pub. for the Early English text society, by N. Trübner & co.,; 1872.
Subject terms: English poetry

Technical Details

Collection: Corpus of Middle English Prose and Verse
Link to this Item: https://name.umdl.umich.edu/aha6129.0001.001
Link to this scan: https://quod.lib.umich.edu/c/cme/aha6129.0001.001/59:5

Rights and Permissions

The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].

DPLA Rights Statement: No Copyright - United States

IIIF

Manifest: https://quod.lib.umich.edu/cgi/t/text/api/manifest/cme:aha6129.0001.001

Cite this Item

Full citation: "An Old English miscellany containing a bestiary, Kentish sermons, Proverbs of Alfred, religious poems of the thirteenth century,." In the digital collection Corpus of Middle English Prose and Verse. https://name.umdl.umich.edu/aha6129.0001.001. University of Michigan Library Digital Collections. Accessed June 20, 2025.

An Old English miscellany containing a bestiary, Kentish sermons, Proverbs of Alfred, religious poems of the thirteenth century,

Annotations Tools

Actions

About this Item

Technical Details

Rights and Permissions

Related Links

IIIF

Cite this Item