weðer so he swimmeð er he wadeð:
Is non at nede ðat oðer lateð,
Oc leigeð his skinbon
on oðres lendbon.
Line 360
gef him ðat biforn teð
Bilimpes for to tirgen,
Alle ðe oðre cumen mide,
and helpen him for to her[t]ien,
Line 364
beren him of ðat water grund
up to ðe lond al heil and sund,
and forðen here nede:
ðis wune he hauen hem bi-twen,
Line 368
ðog he an hundred to-giddre ben.
Significacio [MS signisicacio.] ij a.
Ðe hertes costes we ogen to munen,
Ne og ur non oðer to sunen,
oc eurilc luuen oðer,
Line 372
also he were his broder,
wurðen stedefast his [folio 7a] wine,
ligten him of his birdene,
helpen him at his nede;
Line 376
god giueð ðer-fore mede:
we sulen hauen heuenriche,
gef we bitwixen [MS ben twixen.] us ben briche:
ðus is ure louerdes lage,
Line 380
luuelike to fillen,
her-of haue we mikel ned,
ðat we ðar-wið ne dillen.
Fox
Natura wulpis.
A wilde der is
Line 384
ðat is ful of fele wiles,
fox is hire to name,
for hire queðsipe;
