And kept hem not chast to here wedyng,
And slowyn here childer in burþ-beryng,
And cast ham to houndis in preué place,
Line 136
In watirs, in pittis, about drounyng,
And neuer wold shryue hem of þat trespase,
Fore dred of sklawnder and penans doyng;
So þe fynd he con hem blynd,
Line 140
With disperacion hem schame and schend,
Lest here mysdedis þai wold amend
And broȝt hem ta euyl endyng."
XII.
¶ Þen after poule he se moche more
Line 144
Men and wemen on kamels rydyng,
Moch froyt þer was here face be-fore,
To ete þer-of was here lykyng,
Þai myȝt not hit touche fore no þyng.
Line 148
Þen þe angel to poule con say—
"Þese brekyn þe tymys of here fastyng,
And wold not fast þe good fryday
Þat crist sofyrd deþ apon,
Line 152
Bot wastin here goodis in glotone,
Fore fleschelé lust of here body;
Fore þai wold not parte with þe pore nedy
Þai schil haue hongir and þrust were-euer þai gon."
XIII.
¶ Þen after poule in plase he se,
A sorouful syȝt, a hore hold mon,
Be-twene iiij fyndis in turmentré,
And gryd and wept with ful gret mon.
Line 160
Þen poule he askid þe angel anon
What maner of mon hit myȝt be. [folio 18]
Þe angel answerd him ful sone—
"A neclygent mon fore-soþ was he
Line 164
And kept not obedyans he was bound to,
