"Þo þat stodyn vp to þe kne
Bakbidit here neȝtbore fore enuy,
Line 76
And sklaundird hem in erþ ful falseley,
Þat loston here goodis hir lyues y-fere;
VII.
¶ And þo þat stodin vp to þe armes
Weron spouse-brekers and leuyd in lechory;
Line 80
And þo þat stod vp to þe leppis
Be þe seruys of god þai set noȝt by,
And did no reuerens to cristis body,
In hole cherche were euer changilyng
Line 84
And sayd here prayers vndeuoutly,
And let oþer men of mas hereng,
Herefore þai haue passyng payn;
And þo þat stod vp to þe elbow
Line 88
At here neȝtbors harmes þay low,
Ȝif þai ferd wel her hertis hit slow,
And of here losse were glad and fayne.
VIII.
¶ Holé cherche is a house of prayere,
Line 92
Þe ȝat of heuen crist doþ hit calle,
To worchip þer-in our saueour;
What-euer þou askis þer haue þou schal,
Ȝif þat ȝe bene in chareté alle,
Line 96
And serue ȝour god in loue and dred,
No myschif on þem hit schal falle,
In al ȝour werkis wel schul ȝe spede.
A synful mon here-of haue mynd
Line 100
In holé cherche noþyng þou say,
Bot with hole prayers to god ȝe pray;
He grawnt ȝoue grace, boþ nyȝt and day,
Him to serue þat al ȝou send."
Line 104
