for þey o mon ahte.
huntseuenti Acres.
and he hi hadde isowen.
alle myd reade golde.
Line 124
And þat [folio 263] gold greowe.
so gres doþ on eorþe.
nere he for his weole.
neuer þe furþer.
Line 128
Bute he him of frumþe.
freond iwrche.
for. hwat is gold. bute ston.
bute if hit haueþ wismon.
Line 132
8.
þus queþ Alured.
Ne scolde neuer yongmon
howyen to swiþe.
þeih him his wyse
Line 136
wel ne lykie.
Ne þeih he ne welde.
al þat he wolde.
for god may. yeue þenne he wule.
Line 140
god after vuele.
weole after wowe.
wel is him þat hit ischapen is.
9.
þus seyþ Alured.
Line 144
STrong hit is to reowe.
a-yeyn þe séé þat floweþ.
so hit is to swynke.
a-yeyn vnylimpe.
Line 148
þe mon. þe on his youhþe.
swo swinkeþ.
and worldes weole her iwinþ.
þat he may on elde.
Line 152
