Of what kyn pece þat he wylle ete;
Line 796
And on hys trenchour he hit layes,
On þys maner with-out displayes;
In almesdysshe he layes yche dele,
Þat he is with serued at þo mele;
Line 800
But he sende hit to ony strongere,
A pese þat is hym leue and dere,
And send hys potage also,
Þat schalle not to þe almes go.
Line 804
Of keruer more, yf I shulde telle,
Anoþer fytt þenne most I spelle,
Ther-fore I let hit here ouer passe,
To make oure talkyng summedelasse.
Line 808
When þe lorde hase eten, þo sewer schalle bryng
Þo surnape on his schulder bryng,
A narew towelle, a brode be-syde,
And of hys hondes he lettes hit slyde;
Line 812
Þe vssher ledes þat on hed ryȝt,
Þo aumener þo oþer away shalle dyȝt.
When þe vssher comys to þe borde ende,
Þo narow towelle he strecches vnkende;
Line 816
Be-fore þo lorde and þe lady so dere,
Dowbelle he playes þo towelle þere;
Whenne þay haue wasshen and grace is sayde,
Away he takes at a brayde;
Line 820
Awoydes þo borde in-to þo flore,
Tase away þo trestis þat ben so store.
¶ De candelario. [See the 'Office of Chaundlerye,' H. Ord. p. 82-3. Paris candles, torches, morters, tortayes, sizes, and smalle lightes, are mentioned there.]
¶ Now speke I wylle a lytulle whyle
Of þo chandeler, with-outen gyle,
Line 824
