Vndur ben gromes and pages mony one,
Þat ben at wage euerychone;
Som at two pons on a day,
And som at iij ob., I ȝou say; [folio 23]
Line 620
Mony of hem fote-men þer ben,
Þat rennen by þe brydels of ladys shene.
¶ De pistore. [See Edw. IV.'s Office of Bakehouse, H. Ord. p. 68-70. 'The sergeaunt of thys office to make continually of every busshell, halfe chiete halfe rounde, besydes the flowre for the Kinges mouthe, xxvii loves, every one weying, after one daye olde, xxiii ounces of troye weyghtes.' p. 69.]
¶ Of þo baker now speke y wylle,
And wat longes his office vntylle;
Line 624
Of a lunden buschelle he shalle bake
xx louys, I vndur-take;
Manchet and chet to make brom [Read broun, brown.] bred hard,
For chaundeler and grehoundes and huntes reward.
Line 628
¶ De venatore et suis canibus.
¶ A halpeny þo hunte takes on þe day
For euery hounde, þo sothe to say:
Þo vewter, two cast of brede he tase,
Two lesshe of grehoundes yf þat he hase;
Line 632
To yche a bone, þat is to telle,
If I to ȝou þe sothe shalle spelle;
By-syde hys vantage þat may be-falle,
Of skynnes and oþer thynges with-alle,
Line 636
Þat hunteres con telle better þan I,
Þer-fore I leue hit wytt[ur]ly.
