¶ De pincernario, panetario, et cocis sibi seruientibus.
¶ The botelar, pantrer, and cokes also,
To hym ar seruauntis with-outen mo;
Þer-fore on his ȝerde skore shalle he [See the Office of Butler of Englond, H. Ord. p. 73.]
Alle messys in halle þat seruet be,
Line 408
Commaunde to sett bothe brede and ale
To alle men þat seruet ben in sale;
¶ To gentilmen with wyne I-bake,
Ellis fayles þo seruice, y vnder-take;
Line 412
Iche messe at vjd breue shalle he
At the countyng house with oþer mené;
Yf þo koke wolde say þat were more,
Þat is þo cause þat he hase hit in skore.
Line 416
Þe panter [See the Office of Panetry, H. Ord. p. 70.] also yf he wolde stryfe,
For rewarde þat sett schalle be be-lyue.
When brede faylys at borde aboute,
The marshalle gares sett with-outen doute
Line 420
More brede, þat calde is a rewarde,
So shalle hit be preuet be-fore stuarde.
¶ De officio pincernarij. [See the Office of Butler of Englond, H. Ord. p. 73.]
¶ Botler shalle sett for yche a messe
A pot, a lofe, with-outen distresse;
Line 424
Botler, pantrer, felawes ar ay,
Reken hom to-gedur fulle wel y may.
The marshalle shalle herber alle men in fere,
That ben of court of any mestere;
Line 428
Saue þe lordys chambur, þo wadrop to,
Þo vssher of chambur schalle tent þo two.
¶ De hostiario et suis seruientibus. [See Gentylmen Usshers of Chaumbre, IIII, H. Ord. p. 37. 'This name ussher is a worde of Frenshe,' p. 38.]
¶ Speke I wylle A lytulle qwyle
Of vssher of chambur, with-outen gyle.
Line 432
