The vssher of chambur smallest schalle haue,
The stuarde in honde schalle haue a stafe,
A fyngur gret, two wharters long,
To reule þe men of court ymong.
Line 360
¶ De Ianitore. [See the duties of Prince Edward's Porters, A.D. 1474, in Household Ordinances, p. *30, and of Henry VIII.'s Porters, ibid. p. 239.]
¶ The porter falle to kepe þo ȝate,
Þe stokkes with hym erly and late;
Ȝif any man hase in court mys-gayne,
To porter warde he schalle be tane,
Line 364
Þer to a-byde þe lordes wylle,
What he wille deme by ryȝtwys skylle.
For wesselle clothes, þat noȝt be solde,
Þe po[r]ter hase þat warde in holde.
Line 368
Of strangers also þat comen to court,
Þo porter schalle warne ser at a worde.
Lyueray he hase of mete and drynke,
And settis with hym who so hym thynke.
Line 372
When so euer þo lorde remewe schalle
To castelle til oþer as hit may falle,
For cariage þe porter hors schalle hyre,
Foure pens a pece with-in þo schyre;
Line 376
Be statut he schalle take þat on þe day,
Þat is þe kyngis crye in faye.
¶ De Marescallo aule. [Though Edward IV. had Marshals (Household Ordinances, p. 84, &c.), one of whom made the Surnape when the King was in the Hall [page 32] , or Estate in the Surnape [page 38] , yet there is no separate heading or allowance for them in the Liber Niger. Two yeomen Ushers are mentioned in p. 38, but the two yeomen Ewars, their two Grooms and Page, p. 84, perform (nearly) the duties given above to the Usher and his Grooms.]
¶ Now of marschalle of halle wylle I spelle, [MS. spekle.]
And what falle to hys offyce now wylle y telle;
Line 380
