þe yongere shalle sitte or stande benethe þe elder riȝt þere;
and of euery crafft þe mastir aftur rule & manere,
and þen þe eldest of þem, þat warden was þe fore yere.
Line 1160
¶ Soche poyntes, with many oþer, belongethe to a mershall;
þerfore whensoeuer youre sovereyn a feest make shall,
demeene what estates shalle sitte in the hall,
þan reson with youre self lest youre lord yow calle;
Line 1164
¶ Thus may ye devise youre marshallynge, like as y yow lere,
to þe honoure and worshippe of youre souereyn euery where;
And ȝeff ye haue eny dowt / euer looke þat ye enquere,
Resorte euer to youre souereyne / or to þe cheff officere;
Line 1168
¶ Thus shalle ye to any state / do wronge ne pre|iudice,
to sette euery persone accordynge with-owten mys,
as aftur þe birthe / livelode / dignite / a-fore y taught yow this,
alle degrees of highe officere, & worthy as he is.
Line 1172
¶ Now good son, y haue shewed the / & brought þe in vre,
to know þe Curtesie of court / & these þow may take in cure,
In pantry / botery / or cellere / & in kervynge a-fore a sovereyne demewre,
A sewer / or a mershalle: in þes science / y sup|pose ye byn sewre,
Line 1176
