Thestate of a
Pope, Emperowre / kynge or cardynalle,
Prynce with goldyn rodde Royalle,
Archebischoppe / vsyng to were þe palle,
Duke / alle þese of dygnyte owȝt not kepe þe halle.
Bisshoppes, Merques, vicount, Erle goodly,
May sytte at .ij. messeȝ yf þey be lovyngely.
þe meyre of london, & a baron, an abbot myterly,
the iij. chef Iusticeȝ, þe spekere of þe parlement, propurly
Line 1052
alle these Estates ar gret and honorable,
þey may sitte in Chambur or halle at a table,
.ij. or els iij. at a messe / ȝeff þey be greable:
þus may ye in youre office to euery man be plesable.
Line 1056
Of alle oþer estates to a messe / iij. or iiij. þus may ye sure,
And of alle estatis þat ar egalle with a knyght / digne & demure,
Off abbot & prioure sauncȝ mytur, of convent þey han cure;
Deane / Archedecon, mastur of þe rolles, aftur youre plesure,
Line 1060
Alle the vndirIusticeȝ and barounes of þe kynges Eschekiere, [folio 187a]
a provincialle / a doctoure devine / or boþe lawes, þus yow lere,
A prothonotur apertli, or þe popis collectoure, if he be there,
Also þe meyre of þe stapulle / In like purpose þer may appere.
Line 1064
Of alle oþur estates to a messe ye may sette foure / & foure,
as suche persones as ar peregalle to a squyere of honoure:
