Doctur of bothe lawes, beynge in science digne.
Thestate off a
Hym þat hath byn meyre / & a londynere,
Sargeaunt of lawe / he may with hym com|pere;
The mastirs of the Chauncery with comford & chere,
Þe worshipfulle prechoure of pardoun in þat place to appere.
Line 1028
The clerkes of connynge that han taken degre,
And alle othur ordurs of chastite chosyn, & also of pouerte,
alle parsons & vicaries þat ar of dignyte,
parische prestes kepynge cure, vn-to þem loke ye se.
Line 1032
For þe baliffes of a Cite purvey ye must a space,
A yeman of þe crowne / Sargeaunt of armes with mace,
A herrowd of Armes as gret a dygnyte has,
Specially kynge harrawd / must haue þe princi|palle place;
Line 1036
Worshipfulle merchaundes and riche artyficeris,
Gentilmen welle nurtured & of good maneris,
With gentilwommen / and namely lordes nur|rieris,
alle these may sit at a table of good squyeris.
Line 1040
Lo, son, y haue shewid the aftur my symple wytte
euery state aftir þeire degre, to þy knowleche y shalle commytte,
and how þey shalle be serued, y shalle shew the ȝett,
in what place aftur þeire dignyte how þey owght to sytte:
Line 1044
