perceue all þynge for his pewe þat it be made preparate,
boþe cosshyn / carpet / & curteyn / bedes & boke, forgete not that.
Than to youre souereynes chambur walke ye in hast;
all þe cloþes of þe bed, them aside ye cast;
Line 920
þe Fethurbed ye bete / without hurt, so no feddurs ye wast,
Fustian [Henry VII. had a fustian and sheet under his feather bed, over the bed a sheet, then 'the over fustian above,' and then 'a pane of ermines' like an eider-down quilt. 'A head sheete of raynes' and another of ermines were over the pillows. After the ceremony of making the bed, all the esquires, ushers, and others present, had bread, ale, and wine, outside the chamber, 'and soe to drinke altogether.' H. Ord. p. 122.] and shetis clene by sight and sans ye tast.
Kover with a keuerlyte clenly / þat bed so manerly made;
þe bankers & quosshyns, in þe chambur se þem feire y-sprad,
Line 924
boþe hedshete & pillow also, þat þe[y] be saaff vp stad,
the vrnelle & bason also that they awey be had. [folio 185a]
Se the carpettis about þe bed be forth spred & laid,
wyndowes & cuppeborde with carpettis & cosshyns splayd;
Line 928
Se þer be a good fyre in þe chambur conveyed,
with wood & fuelle redy þe fuyre to bete & aide.
Se þe privehouse for esement [A siege house, sedes excrementorum. A draught or priuie, latrina.] be fayre, soote, & clene,
& þat þe bordes þer vppon / be keuered withe clothe feyre & grene,
Line 932
