but with þy mowthe to prove hit, / be þow tastynge alle-way;
let hit renne in iiij. or vj bagges; [Manche: f. A sleeue; also a long narrow bag (such as Hypo|cras is made in). Cotgrave.] gete þem, if þow may,
of bultelle clothe [boulting or straining cloth. 'ij bulteclothes.' Status Domus de Fynchall, A.D. 1360. Dom. Arch. v. 1, p. 136, note f.] , if þy bagges be þe fynere with|owten nay.
Line 164
Good son loke þy bagges be hoopid at þe mothe a-bove,
þe surere mayst þow put in þy wyne vn-to þy behoue,
þe furst bag of a galoun / alle oþer of a potelle to prove;
hange þy bagges sure by þe hoopis; do so for my loue;
Line 168
And vndur euery bagge, good son, a basoun clere & bryght;
and now is þe ypocras made / for to plese many a wight.
þe draff of þe spicery / is good for Sewes in kychyn diȝt;
and ȝiff þow cast hit awey, þow dost þy mastir no riȝt.
Line 172
Now, good son, þyne ypocras is made parfite & welle;
y wold þan ye put it in staunche & a clene vesselle,
and þe mouthe þer-off y-stopped euer more wisely & felle,
and serue hit forth with wafurs boþe in chambur & Celle.
Line 176
The botery.
Thy cuppes / þy pottes, þou se be clene boþe with-in & owt;
[T]hyne ale .v. dayes old er þow serue it abowt,
