rente of vj. d. to þe saide chanons for Euer schall warantiȝe agaynste all pepull, schall defende and aquite. And for this yevyng Grauntyng and warantiȝyng þe saide chanons yafe to me before-handes v. s. In-to witnesse, et cetera.
[242.]
About 1230. Grant to Oseney, by Robert Bernard, of a piece of land.
KNOWE þey that been now and to bee þat I Robert Bernarde of Hokenorton yafe Grauntid and with this present charter confermyd, for me and myne heyres for Euer, to god and to þe church of Seynte marie of Oseney and to þe chanons þere seruyng god, all that parte of the londe the which [is] of my courte þe which lieth bitwene my chefe howse and the howse of Adam Sparewe and hit conteyneth þe Space of xxxviij. fote In brede and xxviij. fote In þe lenght: to be hold and to be had, to þe saide chanons, In-to ffre pure and perpetuell almys, well and In pece, ffrely and quietly, to be i-bildid and i-disposid after þat þey seme best to þem to be goode. And I Robert and myne heyres all the foresaide thynges to þe saide chanons schall warantiȝe and all seculer seruice exaccion and Demaunde schall Aquite and Defende agaynste all pepull for Euer. And that this yevyng, et cetera.
[243.]
About 1232? Sale to Oseney, by Jeffrey son of Robert Bernard, of his messuage and all his lands, with all his in|terest in them. Purchase|money, £1 10s. with a quarter of wheat and one of rye.
KNOWE þoo that ben nowe and to be that I, Geffrey Bernarde, þe Soone of Robert Bernarde of Hokenorton, yafe and Grauntid and with this present charter [confirmed] and quite|claymed for me and myne heyres for Euer, to god and to the church of Seynte marie of Oseney and to þe chanons in hit seruyng god, all my londe with the pertinences the which to me by heritage descendit of the same Robert my ffadur, with the mese that whas of my ffadurs ['patris mei.'] , & with all other pertinences to the same londe perteynyng, And all the ryȝght þat I had or myȝght have in all the foresaide thynges, withoute oony holdyng-agayne to me or to myne heyres for Euer: to be holde and to be had, to the saide church and to þe chanons for Euer, well and In peece, ffrely [folio 53b] and quietly fro all seculer seruice exaccion and demaunde. And I and my heyres þe saide londe, with the mese and with all pertinences and his ryȝghtes, to þe saide church and chanons schall warantiȝe for Euer agaynste all men and women. And for this yevyng Grauntyng quite-claymyng
