By the dwellyng of William Kywy And þe dwellyng of John burgeys; and all our parte In the mede of Smededell þe which longeth to owr ffee. This owre yifte and confermyng, free froo all seruice, both riall and oþer, and all exaccion for Euer to be kepid and maynteyned, In the Chapiter of Oseney, Afore the Couent, vppon the texte whee sware, both I and my wiffe. These witnesses.
[220.]
1225. Confirma|tion to Oseney, by William son of William of Hereville, of nos. 217-9, and grant of a serf or serfs.
KNOWE þaye that Be present and to Bee that I, Willyam of Hereville, ffiȝt William of Hereville and of Johan his wiffe, grauntid, and with this present charter confermed, In|to ffree pure and perpetuell almes, to god and to þe Church of Seynte Marie of Oseney and to þe chanons þere seruyng god, all þe londes & possessions and ffredoms, In feldes, In medes, Mesis, men, homages, and seruices, Sutes, and all oþer thynges, þe which þey haue of þe yiftes of myne Aunceturs In Hoke|norton & at Oseney, to be had and to Be i-holde for Euer, of me and of my heyres, frely and quietly fro all seruice Both ryall and other and all exaccion and Demaunde, as þe charters of my aunceturs, þat is to Saye, of Raph Boterell & of Julian his wiffe myne Beeledame, And the charters of William my ffadur and of Johan my modur, the which þe Saide chanons hauen, witnessen. I haue i-grauntid also to þe Saide chanons, for me and myne heyres, philip Corbyn; And if oony oþer man of myne þey haue fro [Read 'on.'] þe daye In the which this charter whas i-made, or afore. I also, William, and myne heyres, the foresaide thynges possessions and ffredoms and all oþer thynges, agaynste all men, to the foresaide chanons schall aquite and schall warantiȝe for Euer. And that this myne yifte and confirmacion, Aquityng and warantiȝyng ferme And stable for Euer Abide, hit with this present writyng And By the puttyng to of my seale have I strengthid hit. And this charter whas i-made In the nynghthe yere of Kyng Henry þe Soone of Kyng John: Þese witnesse, et cetera.
[221.]
About 1230. Agreement by Oseney, to relieve a half-hide of the works due by it to the manor, on condi|tion of the holders surrender|ing their interest in a croft, and in certain pieces of land, paying an addition of 6s. to their rent, and re|maining subject to other manorial claims.
BE hit i-knowe to all true men that when Bitwene J. [John de Reding, abbot 1229-35.] Abbot And Couent of Oseney, of the oone parte, And John [i.e. Johanna.] of Hokenorton, the Relicte [of] Thomas of Burne, and William
