[183.]
About 1200? Grant to Oseney, by Robert (of Nevile) son of Jeffrey, of land bought for £26 13s. 4d. viz. three hides and feudal superiority over half a hide, with all privileges, to be held by service of one knight.
BE hit i-knowe both to þem þat Be nowe and to Be that I, Robert ffiȝt Gaufride, ȝafe and grauntid, and with my present charter confermed, to god and to þe church of Saynte marie of Oseneye & to þe chanons þere seruyng god, In-to pure and perpetuell almes, all my londe in litull Tywe, þe which londe I Bowȝght of Aleyn ffiȝt Gaufride my Broþer for xl. marke of siluer, that is to say, thre hides (with ['cum toto dominio;' meaning that the three hides were in hand (as demesne|land), and not leased out as freehold or otherwise.] all þe lordeschip), and seruice ['servicium,' in accusative, going back to 'hydas.'] of dj. an hide the which Raph ffiȝt Henry helde with his pertinences (that is to say, vj. d. and foreyne ['forense servitium.'] seruice). This londe, with his pertinences, I ȝafe and grauntid, for my helth and of myne & for the sowles of my ffadur and modur and of Aleyne my Broþer and of alle my kynnesfolkes, to þe foresaide church & to þe foresaide chanons, as ['sicuti empcionem meam.'] my Bying: to be holde, ffrely, quietely, hooly, and worschipfully, with medes and pas|tures, In weyes and patthis, with all ffredoms and ffree Customs to þe same londe perteynyng By seruice of j. knyȝght to Be doo to Mathewe ffiȝt Aleyne my Broþer & to his Eyres. Þese witnesse, et cetera.
[184.]
About 1200? Confirma|tion to Oseney, by Matthew of Rumeley, as feudal superior, of nos. 181 and 183.
KNOWE all men Bothe present and to Be that I, Mathew of Rumeley, þe soone of Adam of Eston, grauntid, and with my present charter confermyd, to god and to þe church of Saynte marie of Oseney and to þe chanons þere seruyng god, for my helth and of myne & for the sowles of all my aunceturs, þat ȝifte þe which Robert þe soone of Geffrey my heine ['patruus meus.'] maade to þem of all his londe In litull tywe, with all his pertinences, Bothe of þe Demayne and of þe vilenage, In-to perpetuell almes, sauyng þe seruice of owr lorde Kyng, as þe charter of þe foresaide Robert witnessith.
[185.] A charter of þe Kyng of þe same londe and of other in the same towne [folio 40a] Bitwene vs and Gilberte of Hide.
1211, Oct. Confirma|tion to Oseney, by Gilbert of Hide, nephew of Robert of Nevile the donor, of no. 181, and of no. 183, Oseney paying him £6 13s. 4d.
ÞIS is A finall acorde In the Courte of owre lorde þe Kyng at Westmynster, fro þe Daye of Saynte Miȝghell In-to xv. daies,
