of v. acris In longe crofte, Also of ij. acris at þe Gore Above litelmede, Also of ix. acris In hanghendelonde, Also of j. acre þe which is i-called Meyshendelonde [Meysheuedlonde.] , Also of iij. acres þe which Ben i-called þe Goore, Also of iij. acris strecchyng þem-selfe to Rammeswelle, Also of vj. acris In the telth þe which Is i-called fyfyerde, Also of ij. acris Above Mapeldoor Welle Hulle, Also of ij. acris In Grene Diche ffurlonge.
And that þe saide Inquisicion may come to perpetuell mynde thabbot of Oseney and master artolde þen person of Wotton to this writyng, In-to þe maner of A charter i-made, þer seeles i-put to, of þe which oone partie abidithe to þabbot and Couent of Oseney And a-noþer partie to þe saide Artold. This writyng was made at Oseney In the Vigile of Seynte Gile Abbot In the ȝere of owr lorde aforenamyd.
[XXVII. Of Grove]
[172.]
Reference to no. 139.
THABBOT of Oseney hath In Grove twey parties of more and lasse tithis of þabbot of Colchester, as it is opyn By composicion, the which is afore In the title of 'more Barton': And the Vicar of Saunforde taketh þe þirdde parte of all maner of tithis.
[ROWLESHAM.]
[173.]
Reference to no. 21.
THABBOT hath In Rolesham of þe ȝifte of Doylys, and with þe Graunte of Kynges & of Bisshopis of lincoln with þe chapiter, ij. partys of scheves of þe Demayne of Richard Erle of Cornewaile and of William ffiȝt Richard ffolioth, longyng to þe church of saynte George, as it is i-schewed above In þe title 'Who ['Who' for 'How.'] the church of Seynte George was i-ȝeve to þe chanons of Oseney.'
[174.]
? 12—. Grant to Oseney, by Robert Foliot, of land in Rousham.
KNOWE þoo that Be present and to Be that I, Robert ffolioth, with assent of William my soone, ȝefe and graunte & with my present charter conferme, In-to ffree and perpetuell almes, to þe church of saynte marye of Oseney and to þe chanons [Name noted in margin.]
