The English register of Oseney abbey / by Oxford, written about 1460. Ed., with an introduction and indexes, by Andrew Clark.

of Oseney vppon tithis of j. hide of londe in Worton þe ['qu[a]e dominium eiusdem villule esse perhibetur.'] which is i-sayde to be þe lordeship of þe same litull towne) In this maner in owr presence, be transaction, to be decidid: that þe church of Eynesham þe forsaide tithis shall holde for Euer, þerof ȝeldyng euery ȝere to þe church of Oseney ij. s. at þe ffest of Seynte Myȝghell. So truly, afore vs [the which] (of owr lorde þe pope commaundement) that cawse to be i-know and i-termined hade i-hāke [So in MS. The Latin shows 'h' ought to be 't,' and the stroke over 'a' to be a bungled correction of the error: ead 'i-take.' 'Coram nobis, qui ex domini pape mandato causam illam cogno|scendam terminandamque susceperamus.'] hit, ffeyth of eyþer parte i-plyȝght betwen þem: at Newberye hit was i-doo.

1259, Nov. 26. On inquisi|tion, whether Oseney and its tenants (in Worton and Hens|ington) owed suit to Wootton hundred, Oseney pro|duced nos. 13 and 31 establish|ing exemp|tion.

HIT is to be remembrid that, when þer was i-maade an In|quisicion In þe full hundrede of Wotton by þe commaundement of owr lorde Kyng Henry þe soone of Kyng John þe ȝere of his reyne xliiij., in þe full hundred of Wotton, Weþer þabbot of Oseney and his men of Worton and Hensynton oftid or were i-wonyd to do sute to þe forsaide hundred, ffrere William Sutton, procuratour of Oseney, schewed charters of lordis Kynges of Inglonde of liberteis or ffredoms, that is to say, a charter of Kyng Henry þe j., and A charter of Kyng Henry þe Sone of Kyng John, In þe which openly was i-conteyned that thabbot of Oseney and his men of Worton and of Hensynton be quite of Schires, Hundredis, Danyȝeldes, all maner Sutes, commune pleys, (with Sock sack [folio 22a] tol and theam and Infangenthefe), and of all maner exaccions and Demaundis, outetake murthur i|preued. The which also i-rede and i-vndurstande, þe hundrede with oone assent and consent Juggid þe saide Abbot and all his men of Worton and of Hensynton of all maner of Sutes of þe hundrede of Wotton to be quite for Euer. And in-to witnesse of this thyng Robert Kyngton, þen Baylyfe of þe hundrede of Wotton, and Sir Gilbert of Hide, Knyȝght, and Robert Romely, and Aleyne Romely þe yongur, and Robert of Worton [Wotton, in the Latin.] , and