Burewege that is of þe Seriauntye of Henry de la mare iij. s. iiij. d. And In Bokyngham-shire of j. ȝerdelonde with þe pertinences in Suthcote þat is of þe Seriauntye of William of Seynte Clare dj. marke. In-to witnysse of this thyng these our letters we haue i-made to be i-made patent, My-selfe witnesse, at Wynchester x. daye of June In the yere of our reame xxxij.
[50.]
About 1170. Excerpt from grant to Oseney, by Ralph Boterell, of meadow at Oseney, as in no. 217, and confirmed in no. 218.
BE hit i-knowe to all true men of holy church þat I, Raph Boterell, prayng and willyng Julyan my wife and Johan her Dowghter, ȝafe and grauntid, in-to ffre and perpetuell almys, to þe church of god and of Seynte marye of Oseney and to þe chanons þere seruyng god, et cetera. And within et cetera And þe mede [Marginal note: 'Mede.'] that is by þe courte of Oseney of þe oþer side of þe water: for þe which mede þey shall yelde Euery seynte John Baptiste day euery yere to þe church of seynte ffrideswith for me xiij. d. for all seruice. [This [Added from the Latin.] grant I have made to them free and quit from all service] bothe ryalle and oþer and all exaccion, in þe chapiter of þem afore þe Couent, And vppon þe Auter, also with my wife I offerid hit: þese witnyssys. This my [Omit 'my.'] Charter is i-write hole in þe title of Hokenorton. And note þat we haue a con|firmacion of William Horevile and of Johan his wife vppon þe forsaide charter, þe which is Above in þe title of Hokenorton, et cetera.
[51.] quyte-clayme of ij. s. et cetera owt of Gocesham.
About 1190. Grant to Oseney, by Thomas de la grave, of meadow, subject to 2s. quit|rent to Heading|ton manor.
KNOWE þey that present be and to be that I, Thomas ffiȝt ffulcon. de la Grave, yeve and graunte, in-to fre and perpetuell almys, to þe church of Seynte Marye of Oseney and to þe chanons þer seruyng god, all my mede of Gocesham that Geffrey ffiȝt Durande helde: to be holde ffrely and quietly, sauyng ij. s. þe which þe same chanons of þe same mede yelden for me and my heyres to þe maner of Hedynton yerely at þe feste of Seynt M[i]chȝhell. Truly I toke in my hande for me and my heyres to warantiȝe to þe same chanons þat tenement ouer all and agaynste all men. Of this our yifte, et cetera. Þe witnysse, et cetera.
