manere, and safe to þe sayde Abbot and Couent and to þere successours there free tenementes rentes and seruices and þere soyle [Marginal note: 'reserued to Osney the soyll on the water goyng to the mylles of the Castell.'] vppon þe same were as ryȝght of þe fundacion of þere church. And vppon þat as well þe sayde Abbot as þe saide mayre and communys haue greably assentid to þe sayde Declara|cion and Juggement so i-doo by þe sayde Bisshop, as above hit is i-sayde, And þey holde and afferme for a-corde and fynall Juggement and discussion for all dayes of þe oon parte [and of the other ['et de l'autre.'] ] withoute gyle or Euyll Engyne. In-to witnysse of þe which þynge to þe oone parte of this Endenture abydyng to þe saide mayre and communyte þe saide Abbot and Couent haue i-put þere seele, and to þe oþer parte of þe Same Endentur abydyng to þe saide Abbot and Couent þe saide mayre and communyte haue i-put þere commune seele. And for gretter and more surete and witnysse of þe acorde and of þynges abovesaide þe saide Bisshop hath i-putt his seele to þe oone and to þe oþer parte of þe same Endenturs: i-ȝefe, or þe Date, at london the xxij. day of ffeuerer the yere of þe regne of our lorde Kyng Edwarde þe iij. after þe Conquest þat is to say of Inglonde lj. and of ffraunce xxxviij.
[VIII. Of the Meadows beside Oseney [Titul. VII, somewhat incorrectly, was supposed to continue to this point: i.e. 'Howe þe church of Seynte George was i-ȝeve to the chanons of Oseney.' The English MS. had, however, ceased to give it as a headline.] ]
[44.]
Explana|tion of phrase in no. 12.
NOTA that whenne hit is i-saide in A Charter of Robert Doylly owr foundar 'And all þat is myne in the forsaide Ile of Osneye' hit is to be vndurstande of all þabbey of Osney, with hegges, wallys, and Gardeyns, with þe mede i-ioyned to hit that is i-callyd Orchardysmede.
[45.]
Reference to no. 12, and to its confirma|tion in no. 25.
SEKE þe forsaide charter above In þe title of þe funda|cion of Oseney And furþermor how 'I Henry Doylly þe secunde haue i-ȝeve to þe forsaide chanons for þe sowles of my kynnes|folkes and for my helth and of myne all my mede þe which is at þe weste of þere Courte of Oseneye in-to perpetuell almes free and quyte fro all seruice,' et cetera.
