pasturis, and all ther other pertynentis, to the forsaid Richard Bannebury, Richard Mountegu, and Iohn Otale, yeldyng therof yerely vnto the chief lordes of that fee seruyces dew and accustomed; And the forsaid Symond and his heires all the forsaid londes and tenementis, with all his pertynentis, to the forsaid Richard Bannebury, Richard Mountegu, and Iohn Otale, [and] to ther heires and assignes, ayenst all maner of peple shall warantiȝe and defende for euermore. Into witnesse wherof vnto this present charter he putte to his seale, These beyng witnesse: Iohn Eburton, Richard Wightham, Iohn Coventre, and many other. The date, the viij. day of Iuyll, In the yere of the reigne of kyng henry the iiij. after the conquest viij.
1410, Sept. 14. Grant to William Golafre, by John Leyot, of land and meadow, as in no. 42. Quit-rent, 2½d.
THE sentence of this charter is, that Iohn Leyot, deane of Chestire, yaf, graunted, and by his present charter confermed, to William Golafre an acre of arable lond called Carters liyng in Byrweye in the feldes of wightham, with ij. Buttis of lond and mede liyng in the feldes aforsaid, wherof one Butte of arable lond lieth in litell Chalueye, [folio 202b] And another Butte of mede lieth in Shorte shoddaye at Stanelak and hit strecchith into the watir of Thamyse: To haue and to hold, the forsaid acre of lond with the forsaid ij. Buttis and all there other pertynentis, to the forsaid william Golafre and to his heires and his assignes, frely to-gedire and in pease, Of the chief lordes of that fee, by seruyces therof dewe and of right accustomed, for euermore, yeldyng therof vnto the forseid Iohn Leyot, his heires, and to his assignes, in the fest of Seynt Mighell the archaungell ij. d. obolus of yerely rente duryng euermore for all othere seruyces and demaundes. And the forsaid Iohn Leyot and his heires the forsaid acre of arable lond with the forsaid ij. Buttis of lond and mede, with all there pertynentis, to the forsaid william Golafre and to his heires and his assignes ayenst all maner of peple shall warantiȝe and defende for euer in the forme aboueseid. In witnesse wherof to this present chartire he sette to his seale, These beyng witnesse: Iohn Golafre, Edmond Spersholt, Richard
