and Edithe his wyf, half a mark by yere with-oute the northe yate of Oxenford. Wherfore he wold and surely charged that the forsaid Abbesse of Godestowe and the mynchons ther ser|uyng god shold haue and hold all the forsaid thyngis and all maner thynge I-gote by the grace and yifte of god, into fre and perpetuell almesse, wele and in pease, frely and quyetly, fully holy and worshipfully, in wode and in playne, in medys and pasturis, in watirs and mylles, in weyes and pathis, in pondys and stewys, with-in borough and with-oute borough, and in alle other placis, with soke and sake, and tol and team, and infangen|theef, vtterly quyte, and [that [Added from the Latin.] their] fre tenauntis ought ther to be quyet fro shire and hundred, pleys and playntis, helpis and assises, yelde and daneyelde, fro Murdre and theeft, of Scuage and hydage, yiftis and scottis, and workynges of Castell howsis and wallis parkis stewys dichis and briggis, and of summage and cariage, of wardepeny and of Averpeny, and of hundrede|peny and thedyngpeny, and to be quyte (thurgh all his londe and by watir) of tol and passage, of pountage and tallage and lestage, and of all other customs that longed to hym, with all [their [Added from the Latin.] ] liberteis and fre customs. And he forbede that no man shold do them wronge noþer greef in no wise. For the forsaid chirche and mynchons of Godestowe and all theire goodes and possessions and theire men, more specially than all other in Englond, [ben] in oure hande, proteccion, and kepynge, [folio 190b] These beyng witnesse, & cetera.
1229, Sept. 8. Protection to Godstow, by Henry III.
THE sentence of this charter is, that henry kyng of Englond, & cetera, toke into his proteccion and defence his abbesse and mynchons of Godestow, [folio 188b] And all ther men, londes and rentis, goodis and possessions. And therfor he comaunded that all statis and mynystres, & cetera, shold maynteyne, kepe, and defende the same Abbesse and mynchons, and all ther men, londis and rentis, goodis and possessions, doyng to them, nother
