candel that is browth forthe with ['praeter candelam que pervenit die dominica ad altare cum pane benedicendo.'] the holy love in the sonneday to the auter, The whyche, all a-boue except & out-take, shull longe & be hole to the Abbas & Mynchyns of Godstowe.
Furthermore, the perpetual ['… for the vicar of bloxham,' in margin.] vicar of the churche of Bloxham shal haue, in the name of hys vicariage, all the auterage of that churche & of the chapel of Myddylcombe, except the tethys of wolle & of lambys of the modur-churche of Bloxham; he shall haue also the corn that is wonyd to be gyf I-thresshe to the seyd churche of Bloxham & chapelle of Myddylcombe, the whyche is callyd cherset ['Cherecheset,' in the Latin copy.] ; & he shall haue a place that is set by-twene the place that was of pagane Berforde & the place that was of william Colman.
The perpetual vicar of seynt Gylys in Oxenford shall haue, in the name ['… for þe vicar of seynt gylys,' in margin.] of hys vicariage, half of all the auterage of that churche, with alle the tethys of gardynys, except wolle, & flex, & lambys, & except candyl vppon candylmes day, the whyche the seyd mynchyns shul haue stylle. Furthermore, he shal haue a dwellynge-place, where the chapleyne of the churche was wonyd to dwelle, for the whyche the vicar shal pay to the same churche vj. d. yerly.
In these thre vicariages thys wyse ordeynyd, the forseyd mynchyns shul bere all burduns ordynarie dewe & wonyd of tho thre seyd churchys, out-take dewteys þat longyn to the seyne, the whyche the vicarys shul pay. Also all the vicaryes ['… & take heede for þe hoth of þe vicars & chapeleyns,' in margin=oath.] , al so sone as they byn admittyd to the forseyd churchys, they shul make to the mynchons a-fore-myndyd an othe to be trewe. Also the chapleynys, in case that the fore seyd vicarys take ony vn-to theyre helpe for to do seruise in the forseyd churchys, shul swere also a-fore the vicaryes, & a-fore the procutur of the mynchons, the whyche the seyd mynchons wyllen to sende, that the for-seyd vicaryes & chapellaynys shul be trewe to the Myn|chons a-fore-rehersyd, al so longe as they a-bydyn there in the forseyde churchys seruynge, in tho thynges that towchyn & be dewe to the Mynchons a-fore seyde, sauynge in all cases the bysshopys ryht & dewtes, & the dignite of the churche
