The english register of Godstow nunnery, near Oxford : written about 1450 / edited with an introduction by Andrew Clark.

þe foreseide abbas, a-fore Iohn at lee & his felowis, Iustices & cetera, at hegworth, þe wodeinsday aftur þe feste of seint Mathew þe apostle, to answere þe kinge & cetera: and þe abbas, bi Iohn Mondi her attornei, come þen & seide þat þe abbas was lady of þe maner of westeton [The Godstow manor is variously called Water-eaton, West-eton, Nuns-eton, Eton|mynchons, to distinguish it from the adja|cent Castle-eaton.] , þe whiche maner she helde as of þe riht of her abbei, þe whiche maner is with-in þe lordeshipe of þe quene; fro [In the Latin 'Absque hoc': i.e. she dissented from the presentment, viz. that she had caused.] þat, þat she leuied or causid ony noiinge or turnid ony course of watur as hit was presentid afore, & þat she is a-redi to verifie. Ideo preceptum est vicecomiti þat he sholde make he [Read 'hem' or, better, omit.] come bifore þe seide Iustices at Marleborowe, þe moneday next aftur þe feste of seint lucie virgin, de [i.e. 12 good men of the Latton view|of-frankpledge, to act as sworn jury.] visu de lacton & cetera xij. & cetera, per quos & cetera, to þe recognicion in forme a-fore-seide. At þe whiche day þe fore-seide abbas come bi her attornei, & Iuriors [i.e. attended. The Latin is 'et iurati similiter.'] also, þe whiche seide vppon her othe þat þe foreseide abbas helde þe maner a-fore-seide as of þe fundacion of her churche; also þei seide þat þer wer of olde time certen stonis [placed [Added from the Latin. It goes on 'these stones were to the advantage of all passing there or having lands and meadows there, and that neither the abbess nor any of her predecessors caused any nuisance there.'] at the Mereheued, and with iron and lead] Ioinid to-gedur to þe ese & profite of þe [folio XXXI(42)] pepul goinge or hauinge here [Read 'þere.'] londis & mede, & þat noþer þe fore-seide abbas ne none of her predecessours did no noiinge þere noþer with-in þe maner a-fore-seide noþir turnid þe course of þe watur as hit was supposid. þerefore þe fore-seide abbas may go fro þe courte dailes [i.e. 'day-less': in Latin 'sine die,' the formula used when no further proceed|ings were to be taken.] , sauinge þe kingis riht. And þe Iustices, at þe requisicion of þe fore-seide abbas, made þe tenoure of þe recorde & processe a-fore-seid to be exemplified bi þese presente writinges. In-to witnes of þe whiche þe kinge made his letters patentes, him-selfe beinge witnes at westminster, þe xij. day of feuerel [Read 'feuerer.'] , þe xxxv yere of his reine.