& j. rode of londe, with þe pertinencis, in Worth & Esthrop; grauntid for him & his heiris, & confirmid for euir, þe same þinges a-fore rehersid, þe whyche þe fore-seide Roger helde sum-time of him: & for þis graunt & confirmacion, þe foreseide abbas gaf to him x. shillings of sterlinges. In-to witnes of þis, he put to his seele, þe date at Worth, þe saturday next aftur seint bartholomewe feste, þe xij. yere of þe reine of kinge Edwarde þe sone of kinge henri.
1284, Oct. 5. Licence in mortmain by Edward I, allowing Roger of Writele to give to Godstow a plough|land in Eastrop, i.e. in High|worth and Blunsdon, and allow|ing God|stow to receive it.
THE sentence of þis chartur is þat edwarde, bi þe grace of god kinge of Inglonde lorde of Irelonde & Duke of gyen, þow þat he, bi his commune cownsell of his reme, prouidid þat hit sholde not be lefful to religious pepul or to oþer to entre þe fee of ony man so þat hit sholde come to morte-maine, with-oute his leue & licens & of þe chefe lorde of þe whiche þat þinge was I-holde inmediatli, Netheles he, willing to do special grace & fauor to Roger of writell, gaf to him licens, al so muche as was in him, þat he miht gife & assine to his welbelouid abbas in criste & to þe minchons of Godestowe a plowh-londe, with þe pertinences, in heiworth & bluntesdoune, to be holde & to be had to hem & to her successours for euir: & he grauntid also to þe same abbas & minchons licens þat þei miht receiue þe fore-seide londe of þe fore-seide Roger so, bi þe tenoure of þese present writinges: & he wolde not þat þe same Roger or a-fore|seide abbas and mynchons sholde be occasionid or lette þerof, bi him or bi his heiris, bi the reson of þe statute a-fore-seide in ony wise or be a-greuid, yet sauinge þe seruices dewe & wonid þerof to þe chef lordis of þe fee. In-to witnes of þis þinge he lete make his letturs patentes, him-silfe beringe witnes at 'mounte [In the margin, hawte mount is written.] hie' þe fifte day of october, þe xij. yer of his reine. I-commaundid to þe chaunceler de monte alto.
About 1280. Sale to Sarah of Mandeville, by Adam son of Warin of Ailesbury, of house and lands, held by quit-rents of gilt spurs and 1 lb. of cummin. Purchase|money, £13 16s. 8d.
THE sentence of þis chartur is, þat adam fitȝ warine gaf grauntid & confirmid, for him & his heiris & his assinis for euir,
