resceived: To be paid to them, or to theire certeyne attorney, in the fest of the Natiuite of seynt Iohn Baptist, now next comyng after the date of this presente writyng, in the peyne of an hundred shillyngis to be paid vnto the subsidie of the holy londe, yf that defaute of the payment therof were made in partie or in alle. Also he bounden hym, his heires, and assignes, by this present writyng, and all his londes and tene|mentis in the towne and feldes of Berton aforseid, to whos hondes thei shold come, to the distreynyng of the forseid Abbesse and her successours, or ther attorneys what-so-ever thei were, as often-tymes as they were behynde of ony part of a yerely rent of xx. shillings, in the which the predecessours of the forseid Abbesse and Couent, by his predecessours, first weren seised in the towne aforseid. In witnesse wherof to this present writyng, he put to his seale. The date is at warwyk, the wedensday, in the morow aftir the Inuencion of the holy cros, The yere of the reigne of kyng Edward, the xxxiiij. These beyng witnesse: Thomas lord of Bersheston, Iohn lord of dycheford, Aleyn of Berston, Robert le Marshall, Symond waite, Iohn of Bur|myngton, and Raaf the sone of william leuelance.
1412, May 12. Order by Henry IV, to the sheriff of Warwick|shire, ordering inquiry as to whether Robert Clinton and John Ravis dispossessed Godstow of property in Barton, co. Warw., by a jury of 12 of that 'view of frank|pledge.'
THE sentence of this writte is, that Henry, by the grace of god kyng of Englond and of Fraunce and lord of Irelond, to the Sherif of warwyk sendith gretyng. Ther complayned to vs Elizabeth Felmersham, abbesse of Godestow, that Robert Clynton and Iohn Raves, vnrightfully and without iugement, disseised her of her fre tenement in Barton henmerssh, aftir [A law formula. Henry III went to Guienne 1242, and again 1253.] the goyng of kyng henry the sone [folio 214b] of kyng Iohn into Guyan. And therfor we comaunde the [i.e. thee.] that, yf the forsaid Abbesse fynde the [i.e. thee.] suerte to sewe her clayme, than [thou] make that tenement to be reseised, and the catalles, that may be there, taken, and the same tenement and catelles to be in pease, vnto a certayne day the whiche our welbeloued and trew Iames Strangweys and Iohn Ellerkere [James Strangways, Serjeant-at-Law in 1410, and John Ellarker, in 1424.] to the [i.e. thee.] maketh knowlech. And bitwene that, to
