to the said lond, of the chief lordis of the fee by seruyce dew and I-wonyd therof. And the forsaid Ascelyne and her heires warantiȝed and defended for euer all the forsaid lond, with all his pertynentis [Pasture, in margin.] , medis, fedyngis, and pasturis aforsaid, to the forsaid chirch and mynchons ayenst all peple. And that this her yifte, & cetera, shold abide sure for euer, she strengthed hit with the pryntyng of her seale, the saturday next after the fest of seynt Iohn Baptist, the xiiij. yere of the reigne of kyng Edward the sone of kyng Edward. These beyng witnesse, & cetera.
1322, July 24. Duplicate of no. 729, but with later date.
THE sentence of this charter is, that Ascelyne, the doughtir of Richard Tokeman of Shillyngford, yaf, & cetera, to god & cetera and to the holy mynchons of Godestowe ther seruyng god, all that tenement and lond that come to her by right heritage, after the deth of Richard aforsaid her fadir, in the towne and feldes of Shillyngford and Warborow, that is to sey, ij. acris of arable lond liyng to-gedir in the feld of Shillyngford, bitwene the lond of the Abbesse of Godestowe and the lond of Symond Prest, and strecchith hem-self fro the north toward the sowthe beside the kyngis wey; And j. acre liyng in le grundle, bitwene the lond somtyme of henry Sturmond of either parte, and strecchith hit-self fro the northe toward the sowthe beside the kyngis wey; And ij. acris liyng to-gedir in west|crofte, bitwene the lond of the Abbesse of Godestowe of the one parte and the kyngis wey of the other, and they strecche them|self fro the Est toward the west; And one acre liyng in the felde of Warborow in Chalkeforlonge, beside the lond of the Abbesse of Godestowe, [folio 161] And strecchith hit-self fro the north to the sowthe; And j. acre liyng in the same quarentene or quarter, bitwene the lond of William Cotere and the lond of William Blundel; And j. acre liyng in the same feld, bitwene the lond of the abbesse of Godestow of the Est parte and the lond of Iohn
