hold of them, the which Geffrey the fadir of the forsaid Petir and Moolde the modir of hym yaf to the chirch of Godestowe whan the same Moolde toke the habite of Religion with them, of the londis that Eweyn and Roger Sorus held of Geffrey the fadir of the forsaid Petir. Of these aforsaid londes the said Petir shold yeld yerely one marke of siluer at ij. termes, at Mighelmasse half one mark and at Ester half one marke. Of this rente truly to be yelded he yaf to them fewte in the chapiter. These beyng witnesse, & cetera.
About 1200. Duplicate of no. 518. Purchase|money, £3 6s. 8d.
THE sentence of this charter is, that Petir fitȝ Geffrey Durant graunted, & cetera, into pure and perpetuel almesse, to god & cetera and to the mynchons of Godestow ther seruyng god, for the helth of his fadir soule and modir soule and of all his predecessours, the yifte that his fadir and his modir made to þe chirch aforsaid, whan Moolde his modir in the same chirch toke the abite of Religion, that is to sey, one marke of rente in Oxenford of the londes that Eweyn and Roger Soriss held of Geffrey his fadir, the whiche lond was of the mariage of his modir. And Petir fitȝ Geffrey and his heires shold hold these londis into fee and heritage of the chirch of Godestowe, yeldyng therof euery yere one marke of siluer at ij. termes, at Mighel|masse half a mark and at Ester half one marke. And for this yifte, & cetera. And for-asmoch as he graunted fewte of that tenement to the same chirch of Godestowe in there chapiter, the covent of Godestowe yaf to hym v. mark of siluere. These beyng witnesse, & cetera.
