here successours for euir, of hem & of here successours, freli & quietli, painge þerof yerli to hem & to her successours v. shillings of sterlinges at mihelmas, for all seruice, custom, & demaunde longinge to hem & to her successours in ony wise: & þat þis graunt & confirmacion sholde a-bide sure for euir, þe abbot put to þis writinge his owne seele, and also þe commune seele: & is with-oute date.
1247. Agreement with Godstow, by John of Bereworth, to pay an addition of 3s. 4d. to his former rent, in order to have exemption from the feudal burden called 'har|bouring.' Fee paid 13s. 4d.
THE sentence of [this] chartur is this, þat þer was a finall con|corde I-made in þe kingis courte at Oxenford, fro trinite sonedai in-to xv. dais, þe xxxj. yer of þe reine of kinge henri þe sone of kinge Iohn, a-fore Roger of thurkilbi, Gilbert preston, Maistur Simon wauton, & Iohn Cobham, iustices, & oþer trewe men of þe kinges þer beinge present, bitwene Iohn of bereworth, plainer, & Flandrine, abbas of Godestowe, of þat þat þe abbas wolde take homage & resonable relefe of þe fore-seide Iohn of his fre tenement þat he helde of þe fore-seide abbas in fencote, & where|of hit was pletid bi-twene hem in þe same courte: þat is to sei, þat þe fore-seid Iohn receiuid & grauntid, for him-selfe & for his heiris, þat þei afturwarde sholde pai yerli to þe same abbas & to oþer succedinge her viij. shillings iiij. d at too termis for þe fore-seide tenement, þat is to sei, halfe at Mihelmas & þe oþer halfe at our ladi dai in marche, for all seruice & exaccion (wher-of þe same Iohn & his aunceturs were not I-wonid to pai to þe fore-seide abbas & to oþer abbassis a-fore hir but v. shillings bi yere & to finde to hem herborowh for þe same tenement): & for þis recognicion graunt & concorde, þe same abbas relesid & quiete-claimid, of hir & of oþer abbassis succedinge her & her churche a-fore-seide, to þe fore-seide Iohn & to his heiris, þe fore-seide herborowinge þat his a-fore aunceturs wer wonid to finde to þe predecessours of þe same abbas for þe fore-seide tenement for euir, & also all þe arrerages of þe fore-seide seruice vn-to þe dai þat þis concorde was made. Also hit is to be knowe þat þe fore-seide abbas toke homage of þe fore-seide Iohn in þe same courte þer-fore; & furþermore þe same Iohn gaf to þe fore-seide abbas j. marke of siluer.
