william to be hold, to hym and to his heires, of hym and his heires, by the forsaid seruyce for euer, as hit is I-said afore in the tenoure of this present writyng. Also he, that is to sey, the kyng, yaf licence speciall, the statute not-withstondyng I-made of londis and tenementis not to be put to morte-mayne, more-over not willyng that the forsaid william or his heires, or the forsaid abbesse and mynchons or there successours, by the reson of the thyngis I-put before, be occasioned, vexed, or in ony other wise greved, by hym, or his heires, Iusticis, eschetours, shreves, or ony other bailifis or mynystours, Into witnesse of this thyng, he made these his lettres patentis, he hym-self beryng witnesse, At Caunterbury, the second day of feuerer, the vij. yere of his reigne, By the kyng hym-self.
1314, March 30. Grant to Godstow, by Sir William Montacute, of two acres in ex|change for no. 427.
THE sentence of this charter is, that william mounte-Acu, by licence of the kyng, yaf, graunted, and by this his present charter confermed, to Moolde Vpton, by the suffraunce of god Abbesse of Godestowe, and to the couent of the same place and to ther successours, ij. acris of lond with ther pertynentis in karsynton, the which lien in the feld of karsynton, that is to sey, in crowforlonge, bitwen the lond of Iohn at Milne of the est parte and the lond of Thomas atte mylne of the west parte, and strecchith them-self to the kyngis wey the which ledith to the mylle of karsynton, in eschaunge of ij. other acres of lond with the pertynentis in the same towne, And the which the for|said abbesse and couent, by licence of the kyng, by ther charter yaf to hym and to his heires: To be had and to be hold, the forsaid ij. acris of lond, with all ther pertynentis, to the forsaid abbesse and to the couent and to ther successours, of the kyng and his heires, into fre pure and perpetuel almesse, frely and quyetly for ever. And the forsaid william and his heires warantiȝed acquyted and defended for euer the forsaid ij. acris of lond with all ther pertynentis to the forsaid abbesse and couent and to ther successours ayenst all peple. Into witnesse of the which thyng, bothe parties putte to euerych othirs
