with all there pertynentis over all, in medys closes pastures rentis and all othere libertees, frely quyetly holy wele and pesibly for ever, yeldyng therof yerely to the lordis of the fee service dew and I-woned, as hit is I-conteyned in the charters the which he had of them, and to hym and to his heires one Rose at the Natiuite of seynt Iohn Baptist at Godestowe to be resceived, for all seruyce, sutis of courte, and all seculer demaundis. And the forsaid Iohn and his heires warantiȝed for euer the forsaid mese, with the lond and mede aforsaid, with all there pertynentis aforsaid, to the forsaid mynchons and to theire successours ayenst all peple. And that this yifte, & cetera.
About 1300. Grant to Godstow, by Walter Jourde|mayn, of 4 acres and a piece arable, subject to the old quit-rents to former owners.
[folio 82b] THE sentence of this confirmacion is, that Walter Iurdemayn yaf graunted, & cetera, to god & cetera and to the holy myn|chons of Godestowe there to serve god and to serue for ever, all his arable lond of karsynton, that is to sey, one half acre that lieth in hangyndelonde, bitwene the lond of the abbesse of Godestowe and the lond of Raynolde Suthern; and half j. acre that lieth in Banlond, bitwene the lond of Thomas fitȝ hawyse and the lond of moold hyde; and half j. acre that lieth in polfurlonge, bitwene the lond of Walter Bras and the lond of William Brampton; and j. rode that lieth in lytell lynton, beside the lond of the forsaid Abbesse; and j. rode that lieth in grete lynton, beside the lond that was of Richard Petit; and j. half acre that lieth vpon Gurrelond, beside the lond of Raynold Suthern of the north parte, and hit strecchith hit-self into the kynges hye-wey; And also one gore that lieth vpon the sowthe parte of Blundewell, bitwene the lond of the abbesse of Gode|stowe and the lond of Roger thurbern, and hit strecchith hit-self into the pasture; and j. half acre þat lieth in the morelond, bitwene the lond of Petir of Esserugge and the lond of Robert Punchard; and half j. acre lieth in the olde felde, bitwene the lond of Petir of Esserugge of bothe partie; and half j. acre that lieth in hangynlond, beside the lond of Petir of Esserugge; To be holde and to be had, to the said mynchons and to ther suc|cessours or to ther assignes, frely and quyetly, wele and in pease
