lond that was of William Edmond and the lond of Richard Newman; and j. yerde strecchith hit-self into the kynges way, bitwene the lond of the said abbesse and the lond of the said William Edmond; and half j. acre lieth at the grene downe, bitwene the lond of helie Bras and the lond of William Sow|therne; and half j. acre lieth in the morelond, bitwene the lond of the said abbesse and the lond of Roger Bouche; and j. rode lieth in lynton, bitwene the lond of Symond Punchard and the lond of William Suthern; and j. rode lieth in the longe furlonge, bitwene the lond of the said William Edmond and the lond of Robert Punchard; and j. yerde lieth vpon lambcupe, beside the lond of Robert Toldyn:
And ij. rodis of mede lien in farnhulle, in two the first lottis toward the northe:
to be had and to be hold, of hym and of his heires or his assignes, to the forsaid mynchons and to ther successours, frely quyetly pesibly and holy for euer fro all seculer seruyce, exac|cion, and demaunde, custome, and sute of court, savyng the kyngis seruyce whan scuage rynnyth. And the forsaid Richard fitȝ William of Grene of karsynton and his heires or his assignes shold warantiȝe, aquyte, and, with there owne costis, defende for euer, the forsaide londe and mede, with all there pertynentis, to the forsaid mynchons and to ther successours ayenst all men and women, bothe cristen and Iewes. And for this yifte, graunte, warantiȝyng, and confermyng, the forsaide mynchons yaf to hym the seruyce vndir his porter ['his' = their. The Latin is 'Concesserunt mihi predicte moniales servicium subianitoris, meo perpetuo (? iure), ad portam de Godestow.'] for ever at the yate of Godestowe, and j. half mark in the name of his wagis yerely, to be paid at two termes of the yere, that is to sey, at Mighelmasse iij. shillings iiij. d and at oure lady day in marche iij. shillings iiij. d. And that this his yifte, & cetera.
About 1270? Grant to Godstow, by John fitz Symond, baker, of a messuage and croft, with 6½ acres and one piece of arable, and ½ acre meadow, to endow an obit. Descrip|tion of the arable, and of the meadow. Quit-rent, a rose at Mid|summer.
THE sentence of this charter is, that Iohn Baker of Godestowe, fitȝ [folio 82] Symond of karsynton, yaf, & cetera, to god & cetera and to the mynchons of Godestowe there seruyng god and to serue for
