and in all other esementis to the forsaid iij. yerd-londes longyng, doyng all-only for the forsaid iij. yerd londis foreyn seruice, that is to sey, scuage as moche as longeth to be do for iij. yerde|londes (after more or lesse) whan that scuage happenyth to rynne in the Reame of Englond, for all seruice exaccion de|maund homage wardes relefis and sutis of Courte, that shold perteyne to hym, or his heires, or his assignes, of the forsaid iij. yerde-londys with theire pertynentis. And the forsaid william fitȝ petir of karsynton and his heires or his assignes shold warantiȝe and defende for ever the fore-named lond with all his pertynentis [folio LIIIb(62b)] and liberteis to the forsaid mynchons and to ther successours or assignes ayenst alle men. And for this yifte graunt confirmacion and warantiȝyng, the forsaid mynchons yaf to hym in waryson lx. shillings. And that all the forsaid thynges shold be sure he strengthed hit with the prynte of his seale. These beyng witnesse & cetera.
About 1285. Sale to Godstow, by William son of Peter, of two half|acres. Purchase|money, £1 10s.
THE sentence of this confirmacion is, that William Fitȝ Petir of karsynton yaf, and with his charter confermed, to god and to the chirche of oure lady seynt mary and of seynt Iohn Baptist of Godestowe and to the mynchons ther servyng god and to serue for ever, an acre of his arable lond liyng in the feld of karsynton, wherof j. half acre lieth bytwene the grene wey that ledith toward Burwell and the lond of the forsaid mynchons, in a tilthe that is I-called Inlond, and j. other half acre lieth in the same tilthe, bitwene the lond of the forsaid mynchons and the lond that was somtyme of Richard of Boteley, and the said acre strecchith hit-self into the pottwey ['Port-wey' in no. 414.] that ledith to Worton: to be had and to be hold (the said acre of lond, with his per|tynentis), to the said mynchons and ther successours, of hym his heires or his assignes, frely quyetly wele and pesibly, into pure and perpetuel almesse. And the said William fitȝ Petir and his heires or his assignes shold warantiȝe acquyte and defende for euer the forsaid acre of lond with his pertynentis to the forsaid mynchons and her successours agaynst all peple. And for this yifte graunte and confirmacion the forsaid mynchons yaf
