of oure lady & of seynt Iohn baptyste of Godestowe & to the mynchons þer seruynge god, in-to pur & perpetuel almys, a yerdelonde with þe mesys & oþer pertinences in þe town of bloxham, þat is to sey, that yerdlonde þe whyche hys fadur Edwyne hylde of þe same mynchons, & he aftur hym: & he claymyde all the ryht þat he had in þat londe or myht haue to be quite & in rest, to the foreseyd mynchons with-oute ony a-gayne-seynge, lessenynge, & ony a-gayne-holdynge, for hym & hys heyrys: & lest þat hyt myht her-aftur be with-drawe, he put to thys wrytynge hys seele: & is wyth-oute date.
About 1280. Grant by Godstow, to William Picke, purchase money, £3 6s. 8d., of the yardland (no. 315). Quit-rent, 2s. 6d.
THE sentence of thys euidence is, that Isowde deram, abbas of Godestowe, & þe couent of þe same place, gafe, grauntyd, & confermyd by her wrytynge, for hem & her successours, to william picke of Bloxham, for hys homage & seruice & v. marke of sterlinges, all þe tenauntrye þat henry Meriot & sibille hys wyfe helden of hem in bloxham þe dayes in the whyche they deyed, þe whyche tenauntrie fylle to hem by þe dethe of þe foreseyde henry & sibille, to be had & to be hold, to þe same william & to hys heyrys lawfully I-gete & to be gete of þe seyd william & of hys laufull wyfe, of þe [folio XIIIIb(26b)] seyde mynchons & of her successours, frely & quietly well & pesibly holy & herytably foreuyr, paynge þerof yerly, to hem & to her successours, ij. shillings vj. d at iiij. termys of þe yere, þat is to sey, at cristemasse, vij. d ob.; at our lady day in marche, vij. d ob.; at mydsumur, vij. d ob.; & at Myhelmasse, vij. d ob.; for all seculer seruices, sutes, exac|cions & demaundys all maner: & þe foreseyde abbas & couent of Godestowe warantiȝed acquited and defendyd to þe foreseyd william picke & to hys heyrys a-fore-seyde all þe foreseyd tenauntrye with hys pertinences, by the foreseyde seruices, a-geynyst all pepull: & þat all these a-fore-seyde þynges sholde be sure & stronge, þe seyd mynchons put to her seele.
1295/6. Grant to Godstow, by William Picke, of the yard|land as in nos.315 and 316.
THE sentence of thys euidence is, þat william picke of bloxham gafe & grauntyd, & confermyd with hys wrytynge, to god & to
