About 1180. Confirma|tion to Godstow, by Walter, archdeacon of Oxford 1175-82, of no. 306.
THE sentence of thys chartur is that walter, archedecun of Oxenford, of the office of hys archedecunry, at the presentynge & graunt of henry, kynge of yngelonde þe sone of molde the imperas, gafe, & confirmyd with hys wrytynge, to the holy mynchons of Godestowe, the churche of Bloxham with all hys pertinences, sauynge þe ryht of the churche of lincolne & hys. He institued the fore-namyd holy my[n]chons in-to the personage of the fore-namyd churche, sauynge the ryht of Roger clifford, the whyche was to haue the same churche in ther name durynge hys lyfe for a pension of j. besaund to be payd yerly to the fore|wryte mynchons at estur; & is with-out date.
1197, June 14. Quit claim to Godstow, by West|minster Abbey, after ap|peal to Rome, of West|minster Abbey's claim to tithes in Bloxham parish, in con|sideration of a rent|charge of £3 6s. 8d. to be paid yearly to the light of the altar at West|minster.
THE sentence of thys euydence is, that ther was a stryfe by-twene the abbot & couent of westmynster vppon that on part, & þe abbas & couent of Godestowe [folio XIIIb(25b)] vppon that oþer part, for the churche of Bloxham, vppon the whyche ther was made a delegacie downe to the bisshoppe of lincolne & to the abbotes of seynt alban & of stratford fro the pope, by wos menys ther was a freyndely composicion I-made vndur thys forme:—that they, consyderynge the religion & the honeste of þe holy mynchons of the fore-seyde howse, & hauynge compassion to the pouerte of the same, with oone assent grauntyd & yafe in-to perpetual almys to the fore-seyde holy mynchons the churche of bloxham with all hys pertinences, fully & holly, to be had & take in-to possession for euyr, & all the ryht that the foreseyd abbot & Couent had in the fore-seyde churche they gafe hyt to the churche of seynt Iohn baptyste of Godestowe & to the holy mynchons there seruinge god, & they claymyd hem to be in rest, sauynge to the fore-seyde abbot & Covent a pension of v. marke, the whyche they wer wonyde of olde tyme to take of the same churche, the whyche pension the fore-seyde mynchons owyn to pay yerly to the sexten of the churche of westmynster by-fore rehersyd, to the lyht of the auter, at two termys of the yere; that is to say, with-in the vtas of the fest of all seyntes, ij. marke & a halfe, & with-in
