longefurlonge, the whyche lieth by-twene the londe of walter prestecote & the londe of Goffe petith: & ij. acres in gaystes|crofte:
& halfe j. acre of mede in sudere,
to be had & to be holde to the seyd mynchons, of hym & of hys heyrys, frely & quietly, fully & holly, paynge there-of yerly to hym & to hys heyrys j. d at estur for all seruice, exaccion, & demaunde: & the seyde Gefre & hys heyrys warantiȝed all the foreseyd londe, with all hys pertinences, to the foreseyd myn|chons of Godestowe, or to whom-so-euyr they wille assyne hit, a-geynyst all men & women. And for thys graunt, yeft, con|firmacion, & warantiȝynge, the foreseyd mynchons yaf to hym xj. marke, ij. shillings, viij. d, in warysumme, & that these fore|seyd thyngys shulden byde sure & vnbroke for euyr, he confermyd hyt with hys seele, thys chartur a-fore wretyn; & is with-oute date.
About 1250. Sale to Godstow, by Jeffrey Brocher, of 2d. quit|rent over Godstow land, Purchase|money, 6s. 8d.
THE sentence of thys euydence is that Gefre brocher gaf grauntyd & quietid haþe claymyd [Sic, for 'quit-claimed,' or 'claimed to be quiet.'] ij. d of yerly rent, for hym & hys heyrys or hys assynys, to god & to the churche of our lady & of seynt Iohn baptiste of Godestowe, & to the holy myn|chons there seruinge god & to serue for euyr, & to her succes|sours, in-to fre pure & perpetual almys, in the whyche ij. d. the fore-seyd holy mynchons wer bounde to hym & to hys heyrys or to hys assynys. The foreseyd holy mynchons & her successours were bownde to pay the foreseyd ij. d for a londe the whyche they hyldyn of hym in the felde of blechesdon by the seruice of the forseyd ij. d: &, for thys quiete-clayme of the seyd ij. d, the forseyd holy mynchons gaf to hym halfe a marke of sterlingys to quite hym of the Iurye in the towne of Oxenforde, that is to sey, a-geynst Iamys of london, Iue fitȝ Moysy: & the seyde Gefrey brocher & hys heyrys or hys assynys warantiȝyd to the seyd holy mynchons & her successours & defendyd for euyr ther foreseyd ij. d of the foreseyd yerly rent: &, that hys ȝyft graunt and quiete-clayme myht be sure & stronge, he put to thys wrytynge hys seele.
