churche of Godestowe toke a yerd lond in blechysdun of the fee of Robert fitȝ nigelle of Tackeley, to be hold of the forseyd Gefrey of hym & of hys heyrys foreuer, for iiij. shillings yerly to be payde: & for thys acord the fore-namyd churche yaf xij. shillings, the whyche the foreseyd Gefrey toke & made couenaunt to hold & kepe thys acord with consent of hys heyrys. Also Gefrey before-seyd owht to maynteyne & warantiȝe the fore|seyd yerdelonde a-geynyst all men, out-take a-geynyst the kynge, for the foreseyd summe: & is with-out date.
About 1210. Confirma|tion to God|stow, by William Poore (as husband of one of the co-heiresses of Robert fitz-Nigel), of no. 293.
THE sentence of thys chartur is, that william pauper grauntyd a yerd of londe in Blechesdon to the churche of god & of our lady & of seynt Iohn baptist of Godestowe & to the holy myn|chons there seruynge god, the whyche they holdyn of martyn Bodyn paynge to martyn iiij. shillings by yere. That yerdlonde a-fore-seyd he grauntyd to hem, to be holde of hym & of hys heyrys perpetually, by the same ferme, that is to sey, for iiij. shillings by yere, in peece & fre fro all seruice that longyd to hym & to hys heyrys, & that by the consent of syr Robert fytȝ nigelle, of whoos fee the londe is, & the whyche is chefe & heed of the londe & lorde: & yf hyt falle so that martyn fayle of hys seruice & couenaunt, the foreseyd william pauper shold hold to the foreseyd holy mynchons couenaunt: & is with-oute date.
About 1210. Confirma|tion to Godstow, by Walter Prestcote (possibly as Poore in no. 294), of no. 293.
THE sentence of thys chartur is, that walter prestecote, for the sake of charite & for the helthe of hys sowle & of hys aunce|turs, claymyd to be in rest & vtturly relesyd for euyr to hys welbelouyd in crist, the abbas of Godestowe & to the holy myn|chons there seruinge god, for hym & hys heyrys, the sute of hys courte, of the tenement that they heldyn of hym in the towne of blechesdon, the whyche they haddyn of the yeft of his aunce|turs,
