About 1200. Sale to Henry of St. Valerie, by Reginald of St. Va|lerie, of a yardland, subject to 1d. quit|rent to St. Frides|wyde's priory, and to Alan of Ful|brook's and his wife's life|interests.
THE sentence of thys chartur is, that Reynold of seynt Walery hathe grauntyd & yaf, Also hathe confermyd with hys chartur, to henry of seynt walery, for hys homage & seruice, j. yerd of lond in the town of astringley [Sic.] with all hys pertenencys, that lond the whyche Aleyn fulbroc held of hym. The forseyd yerd-londe he willid to be holde & hadde of hym & hys heyrys to the forseyd henry & hys heyrys or assynys, frely, quietly, pesybly & hoole fro all accion, exaccion & all seruice, savinge the ryall, paynge ther-of yerly to the prior of seynt Frideswyth j. d in the day of seynt Michael: & for thys graunt, yeft & confirmacion the forseyd henry of seynt walery yaf to the forseyd R. of seynt walery vj. Marke of syluer byfore handys. And the seyd alane of fulbruc & hys wyfe shull holde the forseyd yerd-londe all the days of her lyfe, and aftur her decease the fore-namyd yerdlond shal turne hoole to h. of seynt walery or to hys assinis. And, that thys graunt, yeft & confirmacion shuld be sure afturward, the seyd R. put to hys seele: & is with-out date.
About 1210. Grant to Godstow, by Henry of St. Valerie, of the serf Alan, his family, and his land (as in no. 280).
THE sentence of thys chartur is that Henry of seynt walery yaf grauntyd & confermyd with hys wrytynge to the churche of God & of seynt Iohn Baptist of Godstowe & to the holy Mynchons there seruinge god, for the helthe of hys sowle & of the sowlys of hys aunceturs & of hys hyerys, Alan of Estallingeleye with hys chyldryn that comyn of hym; j. yerdlond in Estallingleie, the whyche the same Aleyn holdyth, the whyche he bowht of Roger of seynt walery, the forseyd h. of seynt walery wyllyd the forseyd holy mynchons to hold & to haue to hem in-to free & perpetual almys, doynge to the kynge & to hys heyrys seruice that he owyd to do to hem, as hyt is conteynyd in the chartur of the same Roger: and that hyt myht byde sure, he put to hyt hys seele: & is with-out date.
