goer of þe on partye & þe tenement of the same Roger of þe oþer part, þe whyche tenement in a tyme þe fore-seyde agnes, whyle she was sole, yeldyd & relesyd to mabyle wafre at þat tyme abbas of Godestowe & to þe couent of þe same place, & claymyd hyt to be in rest vtturly for euyr, in-to fre pur & perpetuel almys, to þe same abbas & couent, by hyr wrytynge, with-out ony with-holdynge of hyr or hyr heyrys or assynys, so þat noþer she, ne none of hyr heyrys or assynys, ne no man in her name, neuyr afturwarde myht aske or chalenge ony thynge in the fore-seyde tenement or place with hys pertinences: and þe foreseyde Iohn hawardyn & agnes hys wyfe & heyrys warantiȝid aquitid & defendyd for euyr all þat tenement, wythe all hys pertinences in all places, to þe fore-seyde abbas & couent a-geynyste all pepuls. In-to wytnys of þys quiet-claymynge, they sette to her seelys, the date at Oxenforde in Maudeleyne churche, þe soneday in þe fest of seynt Mathew þe apostele, þe iij. yere of þe reyne of kynge Edwarde þe sone of kynge Edwarde.
1329, July 20. Grant of lease for three lives by God|stow, to John of well, his wife, and son, of a mes|suage, as in no. 261, quit-rent 4s. Power of distraint. Obligation to keep in repair.
THE sentence of thys chartur is, þat þe thursday in þe fest of seynt Margarete virgin, þe iij. yere of the reyne of kynge Edwarde the thyrde fro þe conquest, a conuencion was made by-twene dame Mariorye dyne, abbas of Godestowe, & the couent of the same place of þat on party, & Iohn of welle of brackeley, Iohne hys wyfe, Richard þe sone of þe same Iohn & Iohne, of þat oþer party, þat is to sey, þat þe foreseyde abbas & couent, for hem selfe & her successours, gafe & grauntyd to þe same Iohn, Iohne, & Richard j. mese in brackeley, þe mese is sette nyhe þe hows of þe seyde Iohn of þe norþe party & þe hows of þe maystur of þe hospitall of aynho of þe sowþe party, to be had & to be holde þe foreseyde mese with hys pertinences to þe foreseyde Iohn Iohne & Richard [folio XVII(29)] and to her assynys to þe terme of her lyfe [or] of oþer of hem lenger lyuynge, paynge þerof yerly to þe foreseyde abbas & to þe couent & to her successours, iiij. shillings of sterlynges at thre termys of þe yere, þat is to sey, at þe fest of seynt Myhell, wytsonetyd, &
