& to þe holy mynchons þere seruynge god, for hym & for hys heyrys for euyr, all hys ryht & clayme þat he had or myht haue in ony maner wyse in a place of londe with hys pertinences in the parysshe of kyngys Clere, the whyche is callyd aywyepurcot, & þe fore-seyde place of londe lyþe by-twene hys mede þat is callyd þe hole mede & a crofte þat is callid hagen|hull vppon þe est, & a crofte of þe fore-seyde hows of Godestowe þe whyche is callid strokynges londe vppon þe west syde; so þat þe foreseyde Iohn, noþer hys heyrys, ne no man by hem or for hem or in her name, sholde mowe to aske or chalange ony thynge of ryht or of clayme heraftur in þe fore-seyde place with hys pertinences, but that they sholde be excludyd by þys presente wrytynges for euyr for all maner accion of ryht. In-to wytnes of þe same þynge he put to þys wrytynge hys seele. The date at kynges Clere, þe freday next aftur þe fest of þe Epiphanye of owre lorde, þe vij. yere of þe reyne of kynge Edwarde þe thyrde aftur þe conquest.
[NOTE.—At the dissolution, 1540, the Godstow properties in Sandford and King's Clere were returned (Monast. iv. 375) as bringing in yearly, the demesne-land, £8; the quit-rents of the copyholds, £12 16s. 6d.; and the freeholds, 10s.; in all £21 6s. 6d.]
About 1140. Confirma|tion to God|stow, by Adam of Brincton, as feudal superior, of Ralph of Wafer's gift of land, and grant of a cart|load of hay yearly.
THE sentence of thys chartur is, þat adam of brurton ['Brincton,' in the Latin.] , for hys sowle and of hys predecessours, grauntyd þe yfte þat Raf þe sone of wayfere & hys heyrys made, by the consent of Robert þe sone of wayfere hys broþer of þe same fadur ['by the consent of Robert of Waifere, his brother, my father, of all his land de tenura de Cnolle.'] , of all þe londe of þe holde in Cnolle, in-to perpetual allmys, to the churche of god & of our lady seynt Mary & of seynt Iohn baptiste of Godestowe & to þe holy mynchons þere seruynge god, with all þe pertinences, þat is to sey in wode and playne, & in medys & pasturys, in pondes & watures & myllys, in weyes & pathys, & in
