the right that she had or myght have in ony tyme in the forsaid tenement: To be had and to be hold, to the forsaid Isowde abbesse and Couente, and to ther successours, frely and quyetly, wele and in pease for ever, with-out ony with-holdyng of her or of her heires. And for this lettyng, grauntyng and quyte|claymyng the forsaid Isowde, abbesse of Godestowe, yaf to her xij. d. of siluer before handes. Into witnesse, & cetera.
About 1270. Sale to Godstow, by Roger Blunde, of a lane. Purchase money, 6s. 8d.
THE sentence of this charter is that Roger Blunde of wycombe yaf, & cetera, to dame Isowde, abbesse of Godestowe, and to the Couent [folio 177] of the same place, one kyngis hye wey in the towne of Wycombe, the whiche lieth bitwene a tenemente of the said abbesse and the tenement of Robert Taillour held somtyme, and hit strecchith hit-self in lengthe fro the lane that ledith toward Croyden vnto his owne Graunge, as markes and departyngis vpon euerych side techith and shewith. To be had and to be hold, with all his pertynentis, of hym and his heires or his assignes aforsaid, to the lady abbesse and to the Couente of the same place and to ther successours, frely, quyetly, fully and holy, wele and in pease, by right heritage for ever, yeldyng therof yerely to hym and to his heires j clowe gelofre at Estere, for all seculer services, customs, sutis of courtis, and demaundes. And Roger Blunde and his heires or assignes warantiȝed, aquyted, and defended for ever, the forsaid kyngis wey, with his per|tynentes, to the forsaid lady abbesse and to the Couente of the same place and to ther successours, ayenst all peple, for the forsaid service. And for this yifte, & cetera, the forsaid abbesse yaf to hym half a marke of siluer be-fore handes into warison.
About 1270. Grant to Godstow, by Simon Hokede, of 2 acres of meadow.
THE sentence of this charter is, that Symond Hokede, in the way of charite, yaf, & cetera, to god & cetera and to the mynchons of Godestowe ther seruyng god, for his helth and of his wyfes
