Þat, what tyme þat she shul wende,
Line 7812
He smote here a lytyl on þe bak
Yn pleyyng, whan he [he O, she H.] to here spak.
God wyst what was yn hys þoȝt
And yn hys herte, for y wyst hyt ['hyt' omitted.] noȝt."
Satan asked 'how long whyle
Line 7817
he hadde be aboute, hym to gyle.'
"Fourty wyntyr, and alle yn drede,
Ȝyt myȝt y neuer so [neuer er so.] moche spede,
Line 7820
Ne [No.] neuer er bryng hym to plyght
But þat y ded þys samë nyȝt."
Ful weyl payd was Satanas
Þat he hadde broght hym to þat cas:
Line 7824
He ros aȝens hym, and made hym blysse,
And profred hym hys mouþe to kysse,
And seyd, 'he was weyl wurþy
For to come and sytte hym by.'
Line 7828
Before hem alle, þat ychë tyde,
he sette hym by hym, syde be [by.] syde,
And seyd, "ende þat þou hast bygunne;
For þat þou hast do, my loue þou hast wunne."
Line 7832
Þys ychë Iew þat þerë lay,
In þe temple with grete affray,
Y trowe for soþe he slept [slepe.] ful lytyl,
whan he herde þat grete chapytyl;
Line 7836
Ȝyf he hadde slept, hym neded awake,
Ȝyf he were wakyng, he shulde a [ha.] quake,
For Satan asked þere he sat,
"who lyþ þere, and what ys þat?
Line 7840
who durst so hardy be [folio 52b] [[6-syll. line]]
To lye þere with-oute leue of me?
Goþe swyþe, one or two to-gedyr,
And, what he be, bryngeþ hym hedyr."
Þe deuylys come un-to hys bedde,
Line 7845
