(81)
¶ whan þai hadden so yseide,
Alexius, þere he was yleide,
Opened vp his honde;
Line 963
To þe pope wolde he nouȝth forsake,
Bot lete hym þoo þe book vptake,
To rede þat he fonde.
Line 966
þoo þapostoile had his book, [folio 26a]
His chaunceler he it bitook
To rede, I vnderstonde;
Line 969
Othoo was his name,
A Man yholde of gode fame
Ouer al Rome londe.
Line 972
(82)
¶ þe book he red wiþ gode wille,
þe folk herkned & helde hem stille
wiþouten any boost
Line 975
Til þe book was red & seide.
Alexius was bifore hem leide,
ffulfild of þe holy gost.
Line 978
þe chaunceler wel loude grad
whan he þe book of Alexius rad
Among þe cristen ost;
Line 981
hou he fro frendes gan wende,
And hou his fader fer & hende
Souȝth hym by euery cost;
Line 984
