þai praiden hym for his pyte,
And for his mychel humilite,
þat he hem sent to say
Line 861
where was þe Man þe Aungel of tolde
Twyes er þan wiþ wordes bolde,
þat in swiche payne lay.
Line 864
(73)
¶ þe þrid tyme com þe voice
ffro hym þat was don on croice
wiþ gret solempne liȝth,
Line 867
And seide, 'wendeþ wiþoute soioure
To Eufeniens þe Cenatoure,
ffor þere he lijþ vche niȝth.
Line 870
Swiþe good haþ ben his lijf;
His werkes shullen be made rijf;
His soule is fair & briȝth.'
Line 873
þat ilk tyme, as I ȝou seie,
His gost went þe riȝth weie
ffro þe body to god almiȝth.
Line 876
