(68)
¶ Iesus, þat is kyng of glorie,
his martirdom & his victorie
Seiȝ, & his trauaile;
Line 807
And whan he had his lijf ywrite,
he hidde þere noman shulde ywite,
his book of gode paraile.
Line 810
Priuelich Alex it bare,
þat noman miȝth þerof be-ware
Hou mychel it wolde auaile;
Line 813
And, whan he dyed, I vnderstonde
It was founden in his riȝth honde,
writen wiþouten faile.
Line 816
(69)
¶ On palme sonenday, after messe,
In þe chirche amonge þe presse,
A voice com, I ȝou rede,
Line 819
ffrom heuene adoune, wel shille & clere,
þat seide to hem in þis manere,
where-of many gonne drede,
Line 822
